身為李克勤老友兼好拍檔的譚詠麟（阿倫），坦言早已得悉好友再度成功造人，他接受本報訪問時開心地說：「知道好耐啦！我同克勤父母同步知，我身份唔同嘛！哈哈！（佢點同你講？）佢話：『又搞掂！』，我咪讚佢好嘢！（送乜禮物？）送塊好靚嘅玉，畀BB定驚同安胎！」
阿倫又衷心恭喜克勤：「真係戥佢開心！無論生仔女都好，一樣咁開心，生仔就訓練兩個仔做前鋒！『雙鬼拍門』，為國家隊効力！生女就湊個『好』字，我會勸佢生隊室內足球隊玩五人賽！佢開心咗好耐，每次做嘢都偷笑！（你咁口密？）我忍咗幾個月，若要人不知，就話畀我知！若要全世界知，就話畀志偉同阿叻知，我係『拉鏈口』！」
