寇鴻萍乃城中名媛，每次都以富貴打扮出席活動，由身上價值數百萬元的鑽飾，以至手挽價值3萬多元的Dior新款豹紋毛毛手袋，件件都是名牌貨，「豪畀你」絕對不是難事！而她與老公梁廷鏘十分恩愛，富貴生活當然是齊齊分享，所以她時常送名貴禮物給老公：「我戴住呢隻錶本身係今年買畀老公嘅生日禮物，但我都會攞嚟襯吓衫，都係戴咗兩日！呢隻黑面金錶係Rolex嘅Daytona，廿幾萬，咁我今年做生意賺到啲錢，咁就買隻錶送畀佢啦！」
寇鴻萍對名錶情有獨鍾，她會買靚錶氹自己開心：「我都有買Cartier嘅VIP限量Ballon錶，係白金鑽石。」而老公亦都好識做，會買靚錶給老婆：「老公喺情人節時，送咗一隻Rolex手錶畀我，嗰隻就係金鋼嘅鑽石錶，買咗十幾萬。」兩公婆可以恩愛到靚錶一齊戴，全因為男方手腕夠瘦：「我同先生嘅手腕差唔多，所以有啲手錶可以Share用，而且我哋手指尺寸都一樣，連買結婚戒指都係我自己去就得！」
