施念慈（Celia）本來家中只有兩隻玩具貴婦狗，但最近加入松鼠狗Lingo做新成員：「我男友養咗兩隻松鼠狗，不過有隻過咗身，我驚另一隻臨老無伴會悶，明知佢壽命唔長，不過都買咗Lingo嚟陪佢，結果唔夠兩個月佢都過埋身，Lingo就繼續留低！」

Lingo穿上南瓜衫，Kawaii呢！	Celia笑言Ruffles款式狗仔衫，分外得意。	Celia視狗如己出，行街掃貨怎會少了牠們的份兒！

表參道掃貨勁抵

Celia一直視狗如己出，經常為牠們掃貨，買狗仔衫買到不停手：「啲狗仔衫好靚，乜款都有，仲多款過BB衫．我為求佢哋着得舒服，通常會買雪紡同棉質料嘅狗仔衫！我喺香港一見到靚就買，而每年去日本旅行都會大量掃貨，表參道有一間狗仔衫專門店，售價比香港平成三分之一，係我必到之地！」

放大圖片	放大圖片	放大圖片

Celia坦言家中已有逾百件狗仔衫，放滿兩個抽屜：「佢哋夏天少着衫，通常都係冬天着！雖然狗仔衫好多，但我一定唔會忘記幫佢哋着，因為我一買返屋企，就會第一時間要佢哋試衫，佢哋都習慣晒，仲好鍾意我幫佢哋試衫添！」