自從誕下「蝦餃仔」劉昇後，Kelly開口埋口都把兒子掛在嘴邊，昨日她以一襲Dolce & Gabbana露肩裙及Sergio Rossi鞋，以潮媽型Look出席澳門活動，大談湊仔經。提到蝦餃仔吃第一口糊仔，她和老公Alex都興奮不已：「第一啖糊仔係爹哋餵嘅，第二啖我餵，佢食咗半杯，我哋仲拍埋短片，而且佢已經戒咗夜奶，唔使再夜晚起身餵佢。（係咪好感動想喊？）咁又冇咁Emotional（情緒化），化咗妝要出門口做嘢！佢係為食仔，試過捉住我隻手指擺入口添！」她表示蝦餃仔重22磅，屬手長腳長BB，但她卻擔心地說：「驚佢太高好難買衫，又驚佢識唔到女朋友，因為啲女仔唔高，所以我已經睇定朋友啲女喇！」

超雲開舖賣二手衫

而何鴻燊千金何超雲和曾傳緋聞的何敬豐前後腳出席，超雲透露今日便返英國繼續學業，而她投資在中環開設的二手衫店，已改名為「Chew」，是其名字的「超」字發音，計劃明年正式開幕。同場還有模特兒Lisa S.、Amanda S.，腹大便便的鄭詩韻則偕丈夫陳鴻業到場。

超雲與緋聞男友何敬豐前後腳現身。	何敬豐	陳鴻業陪伴腹大便便的鄭詩韻到場，十分恩愛。
Amanda S.到澳門出席活動。	Lisa S.的豹紋Tube Dress，型格時尚。