出爐視后鄧萃雯昨日聲沙沙出席公開活動，對於楊怡被網民狂插演技差未夠班，仍能連奪「最佳表現大獎」及「我最喜愛的電視女角色」獎，雯女即力撐說：「希望大家畀啲時間楊怡，網民捧、踩、讚、彈都好極端，我唔想回應去造就佢哋有咁大權力。其實網民係咪真係睇戲？個準則係咩呢？佢哋好主觀。一件咁開心嘅事，網民唔好咁啦！希望畀每個藝人有進步空間，應該係鼓勵性唔係批判性。」
另外，為雯女挑選戰衣的黃偉文表示，得獎當晚已致電恭賀，笑言要對方請食飯當形象費：「因為我要去上海工作，起飛前幫佢準備定晒啲衫，亦提早趕返屋企睇佢。」他還透露汪明荃在飯局中探其口風，想知道他為雯女挑選了甚麼戰衣。
