今年的《萬千星輝頒獎典禮》曲終人散，視后大熱的佘詩曼與楊怡命運各異，雖然同失視后，但阿佘全晚空手而回，相反楊怡勇奪「我最喜愛的電視女角色」獎及「最佳表現大獎」！縱然阿佘死撐冇事，但她前晚開工時勁落寞兼玩「自閉」，與平日截然不同。

阿佘前晚與黃智賢到中環拍攝新劇《天與地》，全程沒精打采，更匿埋睇劇本及煲電話粥。其後，一臉倦容的她獨自買咖啡提神，一直顯得悶悶不樂。當阿佘發現有記者在場時即裝作若無其事，強顏歡笑。

佘詩曼不用埋位時便煲電話粥，又獨自買飲品，全晚落寞玩「自閉」。

放大圖片

網友狂插 視帝力撐

相反連掃兩獎的楊怡昨日出席商場活動時表現風騷，吸引大批巿民圍觀。她透露得獎後工作量不斷，提到網友狂插未夠班得獎，她表示不會在意：「向來唔關心呢啲嘢，香港有言論自由。（阿佘嘅Fans同你嘅Fans展開罵戰！）證明頒獎禮有爭論性。良性競爭係好，不過唔好鬧，自己未夠完美，希望觀眾包容。（公司捧你而犧牲阿佘？）公司捧好多人，阿佘捧我，我知道角色獎佢投咗我一票，不過我就投咗自己一票。」對於阿佘投訴她在領獎時未有咀嘴，楊怡即表示會後補，還風騷地即場隔空送吻。

楊怡出席公開活動，與在場小朋友玩得投入，心情甚為風騷。	當得知佘詩曼「責怪」冇咀嘴，楊怡即隔空送上飛吻。	楊怡獲大批粉絲撐場，難怪心情勁靚。

至於出爐視帝黎耀祥、米雪與黎諾懿等昨日到奧海城出席無綫活動，對於楊怡被質疑攞獎未夠班，三人同聲力撐，緋聞男友黎諾懿直言今年沒有人比她更夠資格奪「最佳表現大獎」！祥仔亦指楊怡的努力有目共睹：「新人係應該畀多啲機會，佢好努力喇！畀多啲時間佢啦！」米雪撐楊怡是觀眾心目中的好演員。