07/12/2009

Baby隔空掟煲 陳偉霆甩拖頹爆

昨日陳偉霆出席活動時悶悶不樂,而Baby則Blog爆「該失去的始終都會失去」,未知是否另有所指?

陳偉霆(William)與Angelababy事業暢順,但感情卻亮起紅燈,他們外形匹配被公認為新一代「金童玉女」,隨着知名度增,Baby經常不在香港,二人聚少離多,加上Baby桃花旺盛,先後與黃曉明及鄭中基傳緋聞,而William又被指力追Baby好姊妹Janice Man,令二人濃情轉淡,由昔日的緋聞好友「降呢」為普通朋友,分手傳聞疑幻疑真!

巴黎散心學成熟

昨日Baby在Blog上抒發感受,透露在橫店拍戲學到很多,認識很多人,同時發現自己應該要變得成熟:「是時候要學會控制自己,該失去的始終都會失去!」似有弦外之音,未知是否暗示與William戀情告終?此外,她又上載多張「巴黎之旅」的照片,更忘形地與友人跳高拍照!問到是否Blog爆分手,身在日本的Baby沒有直接回應:「我已經去咗另一個階段,感情事唔想再講。」

William笑容欠奉

而William昨日出席《新城勁爆頒獎禮2009》拉票大行動,心情麻麻笑容欠奉,問到是否與Baby分手,他說:「唔係!攰啫!(失戀好慘?)唔係!呢幾個月將生命放喺工作。(工作忙令Baby詐型?)我同佢保持朋友關係,一路冇變!」提到Baby與黃曉明傳緋聞,他說:「只係報道(唔想知?)同一時間好多人同佢傳緋聞,我都覺得係傳聞!朋友有權選擇自己嘅朋友,我唔會干涉!(聖誕節冇女陪好慘?)有工作陪!(工作沖淡所有嘢?)冇時間唔開心!我哋都有幾個星期冇聯絡!」另外,William坦言恨奪四台聯頒的「卓越表現大獎」,果然雄心壯志,寄情工作。

第一手消息請瀏覽on.cc《即時新聞》

專案組