夥羅嘉良拍劇陳敏之荷包脹

陳敏之近日經常到澳門及內地登台，稍後還會留港拍廣告，她坦言自從劇集《富貴門》播出後，為她帶來不少搵銀良機：「喺內地大有收穫，因為我同羅嘉良喺劇裏面做一對，佢喺內地嘅知名度好高，帶挈我財源滾滾來，真係要多謝嘉良同套劇！」

除了敏之荷包腫脹外，登台亦令她大有滿足感，多年前曾跟日本音樂大師小室哲哉學藝2年的她說：「我好鍾意唱歌，特別係享受台下嘅掌聲，登台可以回味嗰種樂趣！」