本文重點
英皇黑珍珠鍾舒漫（Sherman），今年憑慢歌跑出，令歌唱事業「升呢」，但愛情運卻繼續交白卷﹗
舞功了得的Sherman，今年不再局限於唱快歌，反而憑慢歌《給自己的信》唱到街知巷聞，連她也始料不及。問到會否繼續派慢歌上台延續優勢？她說：「要研究吓先！始終我對慢歌嘅認識唔係好深，依家先知唱歌最緊要感動到人，同埋要令人產生共鳴！」她亦不諱言能夠唱出代表作，已是難能可貴。
男仔頭多兄弟
雖然事業運「升呢」，但愛情方面依然「冇聲氣」。甚少傳是非及緋聞的她，最為人熟悉的緋聞男友只有張致恒，File尚算乾淨。不過，女人始終要有個依歸，故Sherman亦坦言恨拍拖：「係女仔都想拍拖！有時做完嘢返屋企，都希望搵個男仔『呻』吓同關心吓！」雖然愛主動追求異性的「肉食女」成為潮流，但Sherman堅持不會主動出擊：「我唔會特登去搵，感情應該順其自然，太刻意反而冇咁好！（有人同你相睇？）冇喎！我性格咁男仔頭，而且入行後個個都當我係『兄弟』！」