推出新碟《Show You》的Elanne，為了新歌日夜練舞，她表示一直被歌迷催出碟，現在終於大功告成，感到非常興奮，更決定加送48頁寫真集，實行賣大包益街坊，問到會否行性感，她說：「嘩！我唔敢同班模鬥性感喎！最激嗰次都只係比堅尼，極限嚟㗎喇！（點解唔嘗試？）性感真係要遲啲喇！雖然唔會再發育，但至少遲啲可能會培養到一種屬於我嘅女人味嘅！」

放大圖片	Elanne邀得Sunny為她排舞，合作愉快。	性格樂天的Elanne，希望憑歌舞帶給觀眾歡樂。

唱出愛情憧憬

Elanne透露新歌《Show You》特別邀請著名排舞老師Sunny為她排舞，她說：「雖然我唔係可愛教主，不過想畀大家帶來開心感覺，Sunny幫我設計嘅可愛招牌動作，歌迷都話好鍾意！」另外，Elanne表示新歌《布瓜的世界》是源自幾米的著作，歌曲好像童話《愛麗絲夢遊仙境》一樣，她亦期望遇到白馬王子：「梗係想啦！希望快啲搵到啦！（圈中人？）最緊要合眼緣，同埋大家夾得嚟！」