組合農夫、尹蓁晞（Yumi）及滑浪風帆選手陳敬然日前出席活動，適逢當日是農夫成員C君26歲生日，C君說：「生日願望係希望明年生日可以放假，一早已經約好啲中學同學同行內朋友食飯，但今日有工作在身，希望可以事後補祝！但係據我了解，應該要等到明年生日先可以補祝！」而好友陸永更豪花近五位數為C君賀生日，陸永說：「請咗佢食大閘蟹，記得以前我未出糧冇錢，係C君請我食水蟹，所以要還蟹債！」本月出新碟的他們，希望能以別開生面的方法宣傳。
此外，同場的Yumi透露平日有做運動的習慣：「之前成日失眠，試過凌晨落街跑步。（唔怕危險？）我會着得密實啲同戴帽，成個男人咁！就唔怕有危險！」
