四人男子組合Square日前應邀為新城電台節目《娛樂旗艦店》戶外錄音，並與幾位DJ於War Game場一決高下。高大威猛的四子事前揚言，要在五分鐘內「K.O.」新城隊，令處於弱勢的新城隊馬上收買War Game店老闆幫忙抗敵。自稱War Game經驗十足的Brian表示，BB彈有一定殺傷力，並叮囑DJ瑪姬「包到實」免受傷，Brian說：「BB彈可以射穿汽水罐，我隻手之前都中槍，仲要入埋肉添！雖然危險性唔大，不過或多或少會影響工作。」他續說：「其實以前做Model，公司都唔鼓勵我哋玩War Game，因為一中槍就會瘀晒！有時着衫露咗啲瘀傷出嚟就唔好睇！」

「Square隊」與「新城隊」互相廝殺，槍林彈雨。	喜歡以打War Game減壓的Gary，不時用槍指嚇對手。	Square因壞槍及冇子彈而躲在車胎後，轉攻為守。

慘敗賴冇運

DJ路芙一聲令下，Square隊與新城隊互相廝殺，惟Rex多次壞槍，加上Brian太快用光所有子彈，最終Square隊慘敗收場。James笑稱慘敗只因欠運氣，更再下「戰書」，約新城隊下回再戰。而Gary則說：「男仔一定鍾意玩，夠刺激嘛！不過入行後好忙，冇乜機會玩！希望之後可以再一齊玩，順便減壓！」