陳奕迅師妹麥家瑜（Keeva）日前推出首張同名專輯，她坦言希望樂迷透過新碟認識Keeva：「由上年年底出道到依家，其實好緊張，同我同期嘅有陳詩慧同Mr.，每次見到其他人出碟都戥人開心，今次終於輪到我！（終於等到？）都有咁諗㗎！」Keeva表示過去一年並非偷懶，只是不斷作新嘗試：「我想試吓自己唔同嘅能力，用咗好多心機㗎！」

麥家瑜自小鍾情Band Sound，是名副其實的Rock妹。

黃貫中答應寫歌，令麥家瑜興奮不已。 資料圖片

型女Look唱Rock

走型女路線的她，身穿短裙及長靴拍照，更刻意收起甜美笑容，她說：「可能外界冇諗過我會唱Rock，其實我爸爸係開Studio，所以細細個已經聽慣Band Sound同Rock，所以今次監製Gary Tong話幫我搵阿Paul（黃貫中）寫歌，我都不知幾開心，佢係我兒時偶像喎！以前喺爸爸間Studio成日見到阿Paul，感覺好得意！」

Keeva亦感謝Mr.成員MJ義務教她結他，問到可會與Mr.成員有所發展？她說：「我同佢哋五個都好熟，大家係好朋友，可能我自細只得家姐冇哥哥，都係覺得似哥哥多啲！」