陳國邦與羅敏莊結束七年愛情長跑，昨晚及今晚一連兩日擺喜酒，昨晚先宴請圈中好友，今午則簽字結婚。一對新人昨日以白色婚紗禮服亮相切蛋糕儀式，但白馬王子Look的陳國邦胸前卻掛上Hello Kitty公仔，羅敏莊笑說：「係我Favorites，我逼佢戴嘅。」陳國邦亦冧老婆說：「唔好話逼，係我鍾意就佢啫！」昨晚出席飲宴的嘉賓包括汪明荃、佘詩曼、張可頤、郭晉安與歐倩怡夫婦、馬德鐘夫婦、鍾鎮濤、黃日華、陳敏之及曹永廉等。

放大圖片	劉曉彤與新娘子咀嘴作祝賀。	張可頤與郭晉安、歐倩怡夫婦是婚宴的座上客。

忍不住落淚

講愛的宣言時，向來寡言的陳國邦搶着說：「呢啲唔係今時今日先嚟講，喺決定一齊已經講，我會照顧到佢離開呢個世界，好似好Sad咁，但係我哋認同比對方走先會舒服啲。」羅敏莊說：「你要好好保重身子，唔係你先走過我……啋！今日唔應該講啲咁嘅嘢。」

切蛋糕時羅敏莊流鼻水，陳國邦即細心照顧妻子，問到羅敏莊是否忍得住眼淚？她說：「頭先綵排入場已經想喊，正式實喊囉！」兩人婚後只會休息數日便復工，早前到日本拍結婚照就當是度蜜月！