劉美君前晚聲沙沙出席音樂會，她透露日前搭飛機險些被氣壓壓穿耳膜，她說：「之前出席台灣金馬獎，因為天氣變化搞到感冒，搭飛機返港時，上到機左耳好塞，諗住捏住個鼻谷番通佢，點知谷極都唔得，之後好唔舒服。」她透露翌日即求診：「醫生話左耳出血，叫我三個星期都唔好搭飛機，如果唔係耳膜會穿，依家左耳得番50%聽力，醫生話食藥會好。」她表示近日百病纏身：「感冒、哮喘、耳仔流血，夾埋一齊發！（財多？）我都想。」