前晚陳慧琳（Kelly）穿上Dolce & Gabbana裝束為音樂會演出，問到4個多月大的兒子劉昇（蝦餃仔）有否捧場？Kelly說：「今晚冇嚟，不過綵排有嚟，因為台前怕佢太嘈，所以佢只喺後台。（聽到手舞足蹈？）係呀！佢好開心。」問到囝囝若在台下向她揮手，她會有甚麼反應？抵死的Kelly即做出「Hello」手勢：「即刻冧晒同佢Hello啦！原本好型咁唱歌，都變到唔型。」她更踢爆老公劉建浩不時播放囝囝打針短片給親友欣賞，她說：「佢好鍾意騷畀人睇，仲鍾意唱Rap畀囝囝聽。」對於王菲計劃開個唱，Kelly說：「好呀！好多人恨睇。」
另外，有傳王菲秘密簽約上海城市舞蹈公司，但該公司宣傳部負責人培培卻否認，亦有指王菲全家總動員將出席本月18日在北京舉行的《2009年度嫣然天使基金慈善晚宴》。