楊千嬅昨日出席亮視點活動時透露，計劃聖誕節到朋友家中開派對。稍後將開拍新戲的她表示，未知能否出席4個頒獎禮，問到會否與老公丁子高結伴出席？她說：「唔會喇！佢應該會打牌！上年頒獎禮，佢都係打緊牌！」她表示尚未準備聖誕禮物送給老公：「唔知送乜！又唔想咁『行』！（想老公送咩？）佢鍾意畀驚喜，好少送啲禮物我唔鍾意！」此外，千嬅揚言最怕收大件的擺設，問到老公有否送過？她笑說：「博鬧咩？送呢啲真係會影響感情！」