前晚品牌Qeelin半島專門店翻新面貌，請來Ana R.及Jessica C.示範逾百萬元首飾，她們打扮性感，Jessica穿低胸連身裙，「警鐘胸」搶盡風頭，反而身穿Deep V的Ana只現胸骨！記者笑Jessica的「警鐘胸」再度回歸，她說：「係Push Up啫！（時大時細？）有啲衫需要Push，有啲就唔使，唔需要次次用。」

Ana穿背心熱褲出席活動，性感養眼。

穿Deep V的Ana（右）被Jessica搶去「峰」頭。

「啲人只望我個胸」

問她會否Push Up「警鐘胸」逗男友歡心？她尷尬地說：「佢唔在乎，Push Up Bra或者運動Bra佢都冇所謂，但呢啲太私人，我要尊重佢唔講太多，我係女仔都會怕醜。」她坦言往美國或日本工作，不介意穿低胸或熱褲，在港反而密實一點：「我留意到啲人只係望我個胸。」

另外，問Ana會否羨慕Jessica的身材？她笑說：「我係時裝Model，要高同瘦，好似筷子咁，但我知男人唔會鍾意女友似筷子。（男友介意？）唔介意，佢似筷子，我哋好似一對筷子。（男友邊部分似筷子？）你好曳！我意思係佢又高又瘦似筷子呀！」

而她透露聖誕未能赴美探家人：「大時大節嗰邊好多暴力事件，好危險。」而她昨日穿背心熱褲，在apm商場出席活動，大跳鋼管舞。