古天樂昨日現身海港城為ToyWatch剪綵，即場獲贈兩隻男裝錶，其中一隻是價值11,558港元的搪瓷鑽石腕錶，並由品牌創辦人Mr. Marco Mavilla為他試戴，現場古仔與品牌遠東區執行董事兼總經理鄧霓儀及Marco齊齊剪綵。古仔笑說：「大會送多隻女裝錶畀我，我會畀阿媽。我覺得送禮應該親自選購，挑選過程自己都享受，我好少諗買咩畀自己，玩具近年都少買，唔想玩物喪志。（轉儲樓？）衫鈕？間屋我買嚟係同屋企人一齊住，近年買得最多係影碟，二千隻一定有，但有三分之二未拆。（買自己嘅作品？）咁做好怪，我阿媽就有。」另外，古仔前晚出席新片煞科宴時透露，片中與前輩夏春秋（吳君如父親）和李香琴有很多對手戲，故曾送暖包給他們取暖。