鄭中基、熊黛林、吳君如、古天樂、李香琴、夏春秋、Angelababy及黃百鳴等，前晚一同出席電影《花田囍事2010》煞科宴，期間被問到與Angelababy傳出緋聞，鄭中基即一臉愕然，坦言自己亦懵然不知，更說：「寫咗我自己都唔知，今日毫無準備嚟添！（使唔使同阿Sa解釋？）吓！我都唔知喎！我嘅正職係搞氣氛啫！」身旁的吳君如即笑言最近跟一班緋聞男女拍戲，包括Angelababy、陳偉霆、阿Sa和鄭中基，而她則做間諜，但沒有發現眾人有異樣。

黃百鳴（左起）、古天樂、Baby、夏春秋、李香琴、吳君如及鄭中基對新片甚有信心。	Baby及古天樂等在新片大放笑彈。	放大圖片

提到早前阿Sa生日，鄭中基表示已補送禮物，身旁的君如再次踢爆：「佢唔係送相機就手袋，男人都係冇心思！」鄭中基即尷尬地說：「實用吖嘛！個款新啲，下年開始送結他。」君如笑說：「不如生日份禮係畀我去滾呀！」鄭中基笑說：「要簽一簽紙，如果唔係會反口！」

Lynn拒教城城腳趾枚

至於熊黛林（Lynn）日前被拍到與郭富城打邊爐，她聞言只懂傻笑，並稱朋友食飯是很簡單的事，又不停叫記者轉話題。當鄭中基重提Lynn早前被拍到用腳趾猜枚，她尷尬地說：「呢個秘技失傳咗，唔會再出現，玩過一次就畀人影到。（教城城玩？）冇呀！（佢有冇話你唔斯文？）冇人話過。（幾時公開戀情？）大家去影相呀！」