樂壇女新人麥家瑜（Keeva）自小對偶像王菲和已故巨星哥哥張國榮特別欣賞，她大讚兩人有獨特風格，極具巨星風采，Keeva說：「佢哋單係行出嚟唔使點講嘢，已經Feel到有霸氣同壓台感，哥哥有佢嘅味道，做戲時好投入，做乜角色都似。至於天后王菲，無論唱乜嘢歌，都好有個人特質，把聲又好聽，好鍾意聽佢唱歌。」
問到有否受兩位前輩影響？Keeva說：「都有，因為幫我錄歌嘅監製，曾經同佢哋合作過，監製會講番一啲王菲同哥哥錄音時嘅古仔畀我知，佢哋錄音好有感情，係由個心發放出嚟，令我更加崇拜佢哋，暫時我未有咁嘅功力，要好好學習先得。」
問到有否見過兩人？Keeva說：「冇呀！真係冇緣，不過佢哋上過嚟我爸爸嘅錄音室。」