郭富城愛打邊爐眾所周知，連好友熊黛林都表示愛「滾」，同樣愛「滾」的無綫藝員兼主持梁嘉琪，誓闖城城的「滾竇」。
郭富城是火鍋常客，經常被狗仔隊發現出入跑馬地愉記，該處成為他的最愛落腳點之一，經常相約沈嘉偉及余文樂等好友開餐，「城嫂」熊黛林亦有機會成為座上客。
無綫藝員梁嘉琪同樣喜歡打邊爐，瘋狂程度可以一星期打足5日，可算是圈中大「滾」友！梁嘉琪到了城城的「御用飯堂」作實地考察，見到巨型帶子和越洋從台南運來的貢丸甚為雀躍。火鍋店老闆娘還親自解構城城的愛好：「城城通常會食素，可能為咗保持健美啦！佢會叫大量嘅菜，好似啲菇類咁，不過肥牛都係必點嘅！」
邊食邊等唔怕餓親
梁嘉琪與城城同樣鍾情肥牛，更捧着肥牛不放，見到滿枱美食，她高興地預先混合醬料，準備大擦一餐。其實梁嘉琪至愛上海式火鍋：「我最鍾意水晶叉燒包，煮熟咗口感好煙韌，好得意！我平時唔食牛肉，因為聽人講牛肉好毒，但打親邊爐都要食。」
梁嘉琪愛打邊爐不只是因為好食那麼簡單：「我鍾意打邊爐時一大班人圍住張枱，感覺好Close，而且約朋友時可以一邊食一邊等，唔會餓親。」
祖兒愛清湯底
其實明星打邊爐都有不同的嗜好，貴為樂壇天后的容祖兒（圖右一），雖然要保靚聲，但自認饞嘴的她亦為火鍋破戒，試過出埠開工時每晚要工作人員陪食，令人怕怕！她平日只吃清湯底，卻要陪「滾」友人食濃味湯底，讓她聞住氣味品嘗清湯。
基仔吃炸腐皮
古巨基喜歡食炸腐皮，而且甚有心得：「炸腐皮只需要滾兩秒。」而基仔打邊爐十分划算，因為樓上樓老闆娘是其忠實粉絲，不停送上小菜和新鮮海鮮配料給他。
Ella歎羊嗜辣
曾主持飲食節目的官恩娜（Ella）可算是識飲識食之人，她至愛肉類：「以前喺內地食過羊肉，自此之後愛上咗，喺香港打邊爐就一定會食肥牛同肥羊，而且我仲好鍾意食辣，啲汁溝到勁辣！」