楊怡、鄭嘉穎、陳自瑤、黃伊汶與王君馨等前晚出席《太子珠寶鐘錶銀禧公益慈善夜》，並佩戴贊助商的逾百萬首飾，以Deep V大露背晚裝配襯逾百二萬元首飾的楊怡，被陳自瑤及王君馨拋胸夾擊，搶去不少風頭，但她說：「佢哋拋胸？我都有拋背呀！（前面唔夠睇頭？）今期興視后，要畀人睇多啲白滑嘅背脊，咁先係『視後』！（輸蝕？）唔覺，珠寶搭夠！」

至於在《宮心計》中飾演楊怡侍女的陳自瑤被指升Cup，她說：「不嬲都有啲肉，只係平時少性感，想轉型大個女，成熟啲。（搶主子鏡？）主子唔同我爭呢啲嘅，各有各靚，我未係視后，惟有『視前』。」同場的黃伊汶則表示，最近專注代理手錶生意，明年中才重返幕前。

鄭嘉穎自嘲霉

另外，鄭嘉穎昨日出席《Only You只有您》拜神活動時表示，與演「中年港女」的蒙嘉慧有感情戲，問到曾否與「港女」拍拖，他自嘲說：「以前啲女友唔貪慕虛榮，如果貪都唔會黐我，我又唔係有錢，成日畀人話霉！」

楊怡與鄭嘉穎佩戴珠寶及名錶出席活動。	行色匆匆的黎明（右），與太子珠寶鐘錶主席鄧鉅明合照。	王君馨以低胸晚裝配襯珠寶，貴氣逼人。