前晚公開活動上，容祖兒（Joey）真空上陣穿着Alexander Wang西裝褸，露前也露後，她自嘲身材如梅菜蒸瘦肉：「我冇用缽仔糕，其實我唔係要轉形象，我個人冇所謂，見衣櫃有乜就着乜！」她更對其洗衫板身材感自豪：「洗衫板身材都幾有型，兩個物體放喺Deep V度唔好睇！」她又自爆身上有兩條紋身，是因黐膠紙所致！另一邊廂，蔡卓妍（阿Sa）自爆曾是大花筒：「試過銀行使剩七蚊，ETC㩒唔到，走去超級市場用埋嗰七蚊。」她感激霍汶希點醒她：「佢同我講，以前有個女星好紅，成日都買衫，後來唔紅就攬住啲紙袋喊！」