緋聞男女陳奕迅（Eason）跟謝安琪（Kay）昨日齊齊為音樂會進行拜神儀式，惟他們全程零交流。大合照時，Kay寧願陪劉美君踎低，免得跟Eason排排企。對於新歌《無人之境》大唱偷情感覺，Eason說：「係傳緋聞之前已經有㗎喇！（現實生活夠膽玩？）嘩！傻㗎咩？梗係唔夠膽啦！」他又表示希望傳媒勿再跟蹤女兒康堤，免影響其生活。
至於Kay表示不清楚Eason的新歌內容：「只係一首歌啫！（驚再炒緋聞？）冇得驚！最緊要隻歌好聽，等我返去聽吓先！」而老公張繼聰出席另一活動時透露，曾唱過有關第三者的作品，但並非每首歌都是歌手的親身經歷：「我返屋企都會同太太見到面，瞓覺都一定見到佢！」另外，李克勤昨日為東亞運開幕表演綵排，將於躉船上獻唱的他笑言要食定暈浪丸。