許懷欣（Ryan）自細喺外國長大，玩音樂嘅佢渾身都滲透住老外Band友嘅氣息，除咗一口半鹹淡廣東話之外，一身嘅型格紋身亦相當矚目，小小So八到原來佢太太都係紋身愛好者，兩公婆可以話係同道中人！
小小So：你有冇紋過女朋友嘅名喺身呀？
Ryan ：我冇，不過讀大學嗰時見啲朋友一拍拖就紋女朋友個名，結果唔夠六個月就散咗，搞到好痛苦！
小小So：咁你太太鍾唔鍾意紋身？
Ryan ：佢都好鍾意，個背脊紋咗好多花花圖案。
小小So：會唔會覺得有紋身嘅女仔特別性感㗎？
Ryan ：性感係睇性格，但我覺得女仔紋身係一個Cool Way To Define（好型嘅方法去定義）自己囉！
小小So：啲人點睇你咁多紋身？
Ryan ：我記得有次同太太去馬來西亞旅行，搭船出海一路都冇人同我傾偈，後尾太太話番我知原來當地人睇見我咁多紋身，誤會咗我係唔正派人士，驚咗我咁話！