前晚Niki以一身高貴打扮，出席《新太陽廣場火鑽閃爍聖誕榮光》亮燈活動，Niki表示會在工作中度聖誕，雖然家人沒有催她拍拖，但身邊的確有追求者：「我身邊啲人仲急。（追求者？）係呀！但同佢冇發展機會，現時工作為上。」她透露不想「有心人」誤會，故不會在佳節中應約。

想做豪宅業主

Niki坦言聖誕願望是想成為業主：「想買一千幾百萬嘅樓自住，我由細到大都同屋企人住，都要開始學獨立，咁先可以畀機會人照顧我。」她表示已有錢付首期，但不會一次過買樓，因為怕被稅局追到瘦！

Niki所到之處例必吸引大批Fans。

少爺占（後左二起）、新鴻基地產代理有限公司租務總經理馮秀炎和Niki出席活動。

而剛以野仔身份成為bma一分子的少爺占，問到有報道指他與Donald鬧意見才拆夥，少爺占否認：「只係暫時想分開發展，我哋以兄弟相稱。」少占爺大爆Donald為報道不快，故他會買聖誕禮物氹對方，而他解釋Donald不能加入野仔，全因他身高不足五呎三吋。