城城昨以晨曦明星足球隊隊員身份，參加《四角足球邀請賽》，以呼籲青少年勿濫藥。對於《金馬獎》破格選出張家輝與黃渤雙影帝，城城說：「一定係鬥得好激烈，我同李冰冰幾年前合作過，佢近年有突破，都戥佢開心，恭喜佢！」

對於緋聞女友Lynn於金馬獎「露半球」，城城忍不住說：「超級名模係咁啦！（有冇問你意見？）着衫嘅嘢唔關我事，各有自己品味。（介意佢性感？）愈性感愈好，我係以讀者角度出發，密實有密實靚嘅，名模着乜都靚啦！（佢畀人影到食煙？）呢啲我唔講。」被城城激讚的Lynn昨午由台返港，她透露當晚未有出席金馬慶功，只跟助手消夜。

李珊珊擇偶要溫柔

此外，有份籌備是次足球賽的李珊珊表示，苗僑偉與黃日華等因工作無暇出席，大感可惜！近期經常出席足球活動的她，被問到可想找個運動員男友，她說：「太熟喇！要生面口啲至得，火花好緊要。」珊珊講明擇偶條件要溫柔斯文的思想型男士，重視溝通，問到前度男友錢嘉樂是否不夠溫柔，珊珊沒好氣地說：「太遠嘅事唔好提。」