容祖兒、方大同、薛凱琪與江若琳等昨日出席新城頒獎禮的拉票活動，對於徐濠縈指陳奕迅（Eason）與謝安琪（Kay）的緋聞全因爭獎出事，祖兒坦言事不關己，但仍力撐好友Eason：「佢冇乜嘢，闊佬懶理！我覺得世上多啲愛好和平嘅人，好似德蘭修女，大家和平相處就好。（Eason畀人搞好慘？）佢有乜風浪未見過，大家咁錫佢，搞佢唔到。」
對於Kay負面新聞纏身，祖兒亦安慰說：「其實如果係我，會更加用努力話畀人知，呢啲嘢完全唔會傷害我，捱到呢關就雨過天青，大家共勉之，我好欣賞咁有實力嘅人，冇事嘅。」而Eason剛完成南京演唱會，由於觀眾十分熱情，他也唱得特別起勁。
