因與樂基兒咀嘴而人氣急升的劉晨芝，昨日出席於wtc more舉行的《聖誕星級美之盛宴》活動，同場還有楊汀叮、Jessica C.、Jocelyn與老公Anthony。

不介意光頭

向來行性感的劉晨芝繼續拋胸上陣，問到性感打扮會否招來途人喪？她說：「都有！如果着得性感，啲人都會望住我個胸。有次同謝婷婷行街，有個男人特登用手㬹撞我個胸，當時我呆咗唔識反應，婷婷仲問我點解唔大叫？」

談及早前被本報拍得與側田拖手？劉晨芝直認不諱：「係呀！我成日都拖人㗎啦！（側田成日畀人話手多多！）佢絕對冇對我手多多！（係咪你鍾意類型？）我揀男友一定唔可以太高，唔好高過六呎。（咁有冇發展機會？）一日未結婚，個個都有發展機會。」她又表示不介意側田光頭：「外國好多男人都剷到個頭好短！（剷得短唔同冇頭髮！）我意思係手感一樣。」

小「C」妹Jessica C.雖低胸上陣，但「峰」芒仍不及有夫陪伴的Jocelyn。

放大圖片

同場的Jessica C.同樣性感上陣，似乎不敵「峰」頭躉Jocelyn，難怪被問到會否效法周秀娜拍性感年曆時頗為抗拒，並強調跟對方不同。Jessica透露聖誕將帶男友見家長：「男友第一次見我媽咪，佢好緊張，成日問媽咪鍾意乜？我就話只要佢對我好，我媽咪就會開心！」