黎明玩暗喻

「金句王」黎明每次回答記者問題時均「扭盡六壬」，招式層出不窮，今次亦不例外，被問到會否讓Jill重返樂壇時，他再次發功爆金句：「如果佢嘅職業係特工，已經表露咗身份，唔可以再做特工！」

解構：原來黎明將旗下歌手當做特工，記者都係想問吓Jill嘅去向，使唔使講到咁複雜呀？黎生你講句「唔可能」或者「冇咩機會」咪得囉！唔通黎生呢期睇得多特工電影？	解構：雖然話衞蘭嘅中文唔係咁好，但係佢都喺香港住咗咁多年，唔通呢三隻字都可以講得錯？可能衞蘭人望高處，有邊個唔想攞「最受歡迎女歌手」獎，得兩首冠軍歌又點會滿足到佢呢！	解構：Eason真係一時一樣，唔想同外人分享就唔好咁講，講到自己咁偉大！雖然我哋知道你啲錢係同屋企人分享，但下次唔好畀希望我哋先得㗎！真係一場歡喜一場空！

衞蘭衰多口

臨近音樂頒獎禮，獎項的競爭當然激烈，衞蘭出席頒獎禮記者會時，得悉有兩首歌登上兩周冠軍後，竟失言表示「好過冇」，令全場O嘴！

解構：就算嗰撻唔係毛，見到粒痣都唔係咁好！仲要遠睇黑咗一塊，實在太明顯喇！與其話啲觀眾無聊，不如出場前Check清楚，搞到大家都唔係咁開心就唔好啦！	解構：如果祥仔唔係做人求其嘅話，可能喺娛樂圈呢廿幾年嘅發展會好啲，唔使等到依家先紅到爆燈！	解構：陳柏宇真係太謙虛喇！其實係我哋多謝你至真，冇你一「舉」，香港嘅娛樂圈又少咗個話題，唔夠嘢做我哋仲邊有得撈呀！文︰專案組

陳奕迅孤寒鬼

紅爆樂壇的陳奕迅（Eason）工作多不勝數，被問到身家是否很豐厚時，他說︰「有錢如果唔識同人分享都好寂寞！」再被追問會否跟記者分享時，Eason說︰「開心係好難用金錢衡量，一齊影吓合照都好開心㗎！」

汪明荃真「毛」聊

阿姐早前擔任無綫台慶司儀時，胳肋底疑似「露毛」，她接受訪問時激動地否認︰「嗰粒係痣嚟㗎！點會係毛呀？啲人都好無聊囉！清潔係着晚裝嘅基本禮貌！」

黎耀祥是但噏

黎耀祥出席活動時分享入行二十多年的心得，坦言曾經迷失，更一度打算退出娛樂圈，所以他勸大家要認清目標及方向，更即席爆金句：「做事認真，做人求其！」勸大家凡事看開！

陳柏宇太謙虛

今年憑「動L事件」一「舉」成名的陳柏宇，在《華語榜》首奪「地區傑出歌手」，大感興奮的他說︰「真係好大鼓勵，感激香港傳媒令大家認識我！」