蔡卓妍（阿Sa）和阮經天前晚分別以得獎嘉賓身份出席《第二十一屆傑出衣着人士頒獎典禮》，阿Sa在別人介紹下認識小天，甫見面即主動打招呼，還不禁叫了小天在《敗》劇中的名字「盧卡斯」，她說：「好鍾意睇呢套劇，講過我係忠實Fans，我中咗敗犬毒。」兩人愉快地傾個不停，阿Sa又高興地說：「今次咁啱一齊攞獎，唔係第一次見佢，但見到都好開心，因為我好鍾意佢劇中個角色，希望可以同佢合作。」

而小天除了對阿Sa非常友善外，他與湯唯大受眾多設計師與名人歡迎，不斷被邀合照，他們亦有求必應。

同樣獲獎的湯唯，戴上價值300萬元的Mine to Mine Private Collection by Roni N.珠寶，因不時與嘉賓合照，幾乎無暇進餐。林保怡則深受名媛太太歡迎，至於多年前深感執二攤而將十大獎項退回的雷頌德，則不計前嫌盛裝恭賀老友蘇永康得獎。

自認Good Kisser

此外，阿Sa昨日與吳君如出席電影《美麗密令》記者會，自言是Good Kisser，問到緋聞男友鄭中基有否讚她，她說：「我講啫！你哋問番佢。（平時講咩？）係我嘅秘密，乜嘢都有講。」阿Sa透露拍戲時跟鄭中基、鄭伊健和古天樂等咀嘴，當記者取笑她是集郵女星時，她即大發嬌嗔說：「搵餐飯食啫！」