周麗淇（Niki）前晚以購物大使身份主持《2009年度澳門購物節》開幕禮，並與澳門旅遊零售服務業總商會主席巡視攤位。提到Shopping，Niki說：「我真係覺得好榮幸，『購物大使』喎！聽到都興奮！」除了即場消費數千元外，問到還有甚麼方法推廣購物節？她說：「自備購物袋支持環保之餘，仲要帶個男仔一齊去，我首選阮經天（小天），啱啱睇完佢套劇，好欣賞佢，有機會同佢一齊行街掃貨，應該可以吸引到好多人！」