被張雨綺力數的周星馳，昨日突然缺席馮德倫執導、張雨綺等主演的電影《跳出去》記者會，即有傳兩人不和升級，但電影公司強調星爺臨時因事缺席：「佢今晚（昨晚）會出席首映，以行動證明佢同雨綺冇嘢。」而雨綺亦澄清純屬誤會，被問有否向星爺解釋，她說：「根本沒有人覺得是一回事，或是晚點跟他說說吧！」她透露拍該片最辛苦是在農村取景，因蛇蟲鼠蟻齊集。
馮德倫表示重拍《跳》片是迫於無奈，該片即將上映亦感到很大壓力：「頭髮都白晒！打亂我之後啲計劃。（點處理之前拍嘅片？）睇公司決定。」他指星爺對《跳》片貢獻良多：「佢有啲好具體嘅要求，但唔係霸道。（好多人批評佢？）啲人講嘢一個傳一個，有時仲斷章取義。我試過喺內地做訪問，因為記者覺得我講得唔夠激而自行改我嘅說話。」