28/11/2009

播放本新聞相關短片

爆炸堂:Jessica C. 自動波化妝不求人

近期人氣爆燈的「Canon甜心」Jessica C.,喺呢個青黃不接嘅模特兒界,實在係超班馬,難怪小小So喺大小活動都見到佢嘅蹤影。Jessica C.除咗樣靚身材好、深受客戶歡迎,仲有一樣優點抵得諗。話說小小So有次同個公關傾開偈,個公關不停咁讚Jessica C.,話佢個樣好高貴,一啲都唔似o靚模,係模界另一個生力軍,所以好鍾意用佢,但最令個公關欣賞係佢份人好Nice!

公關話有次搵Jessica C.喺活動度做模特兒,佢一早就到場,等大會安排化妝整頭,點知個化妝師臨時有嘢做嚟唔到,情急之下又搵唔到其他化妝師幫手化妝,Jessica C.二話不說就話自己化妝,而且化出嚟效果,完全同專業化妝師一樣。佢咁抵得諗又識做,而且冇半句怨言,小小So都認為抵佢紅得起,如果佢好好Keep住呢種態度,相信佢有排紅!