剛加盟星皓的Theresa回顧過去，指在舊公司時曾一度感到無助，她說：「嗰時壓力去到頂點，真係有病，但我唔想食藥。」她希望靠自己捱過困境，但亦因這過分堅持及執着的性格，成為致命傷，她說：「可能我係處女座，乜都要做到最好，所以畀到好大壓力自己。工作上有乜問題，最傷心就係自己，造成咁多誤解，可能係自己唔識修飾，原來說話都係一種藝術。」Theresa自言圈中好友不多，幸好在徬徨無助時有何韻詩的支持與安慰，給予她不少意見，令她十分感激。

前途以畫為喻

提到與舊公司金牌大風的一段風波，隨着加盟星皓而暫告一段落，Theresa以畫畫比喻：「感覺似畫咗幅畫，但畫錯咗唔滿意，惟有揸爛幅畫掟走佢，重新再畫過，希望下次畫得準確啲。」說話時，她臉上總帶着笑容，整個人恍似如釋重負，兜兜轉轉，Theresa再以「新人」形容自己，重整旗鼓後再出發。