繼七月的「寫真戰」後，o靚模再掀月曆及產品戰。早前鍾蕙芝（Lavina）及胡心諾（Rainbow）揚言會推出半裸月曆，日前兩人出席婚紗活動時不忘宣傳，大講爛Gag為產品造勢，Rainbow笑說：「我同Lavina都會出月曆，兩個半裸加埋就有一個全裸。」
除了力Sell產品外，Lavina還冒10多度低溫穿上Deep V婚紗示人，她說：「今日我同Rainbow都係搭港鐵出嚟，其實係幫埋間婚紗店做宣傳，期間仲有人問我哋係咪結婚添！」雖然兩人又肯性感又不停落嘴頭，但實情是當日全程沒有助手陪同，又沒有保母車接送，難怪同人逼港鐵當做宣傳。
聖誕期間，兩人指工作會由經理人安排，對於會否在佳節加價？她們均指價錢向來非常合理。