過往曾志偉曾投資不少飲食生意，但幾乎全都損手離場，向來心口掛上勇字的他，未有因過往失敗經驗而害怕。有見《獎門人》遊戲環節「辣辣壽司」無人不識，他一直想以此做生意，但自覺不擅管理生意，故未有行動。直至有次跟Ricky大講食經時，兩人竟有相同意念，故一拍即合兼只花數個月時間籌備，推出「辣辣壽司」系列，並以「快」來作為噱頭！

過往常蝕錢離場的志偉，笑言不敢計算蝕了多少。	曾志偉認為《獎門人》的「辣辣壽司」深入民心，變為生意大有可為。	曾志偉和Ricky對合作很有信心。

志偉說：「大人細路都識『辣辣壽司』，啱晒派對或者喺屋企玩，我哋會因應客人不同嘅要求，製造唔同款式同辣度嘅壽司，保證20分鐘內送到！」談到過往常損手離場，志偉自嘲說：「因為我唔專業，明白力不到不為財，尤其藝人做生意，搵拍檔好緊要。從來我都冇灰心過，都冇計過蝕咗幾多錢，我打算出年年初同Ricky一齊去日本取經添！」

首次跟藝人拍檔做生意的Ricky，大讚志偉很有心：「我有諗過邀請志偉入股做股東，咁做都係宣傳嘅一種，同埋佢好有心，睇到佢幫到好多人，如果佢加入埋梗係好開心！希望我哋去日本後，能夠帶啲新元素返嚟！」