譚耀文早前在泰國拍攝《風雲II》，與郭富城及鄭伊健均有對手戲，現正忙為該片宣傳，對於其皇帝角色，譚耀文既愛又恨：「我喺戲內面雖然係做皇帝，但認真非一般，好污糟邋遢，又冇鞋着，仲要喺個布滿沙粒嘅廠景入面拍攝，當對腳踩喺沙上面嗰陣，痛到死，腳底皮爛晒，個廠又熱又焗，呢個皇帝真係唔易做。（酬勞可以補償？）我哋唔係淨係講錢，講交情嘅，如果唔係，我就唔會等開第三部，我皇帝角色未死，仲有得發揮！」對於開拍第三部曲再與城城及伊健合作，譚耀文充滿信心，據知此片在海外銷情很受關注，難怪他如此樂觀。

譚耀文的皇帝角色，沒有一身貴氣，反而污糟冇鞋着。	譚耀文與「聶風」伊健在藍布景前演戲。	譚耀文在《風》片中與「步驚雲」城城有多場對手戲。

盼與妻兒移居北京

近年穿梭中、港兩地拍戲的譚耀文，簽了具實力的經理人公司，工作量大增，本月底先到內地搵真銀，下月又會到上海拍攝劉鎮偉新片。主力在內地發展的譚耀文，為想有更多時間與妻兒相聚，有意在北京置業，並希望妻兒移居北京，他說：「因為做嘢，成日都見唔到老婆同個仔，個心都好唔安樂，如果佢哋移居北京，咁我可以同個仔玩佢最愛嘅摔跤。另外，我都想個仔讀北京嘅國際學校，學好啲普通話，我好鍾意呢種語言。（再追多個小朋友？）如果太太真係住北京，大家有多啲時間都會考慮。」