27/11/2009

播放本新聞相關短片

黎諾懿寧玩貓狗拒生仔

黎諾懿近日養了一貓一狗作寵物，他笑言感覺似擁有一子一女，似足榮升老竇責任重大，他說：「無論出咗去做嘢定玩都好擔心佢哋，好想快啲返屋企，而且又要花好多耐性同時間教佢哋，似足為人父母咁，每次返到屋企，佢哋挨住我，就好窩心。」黎諾懿表示有意結婚，但卻不想生小朋友，他說：「生小朋友責任好大，驚教得唔好，我性格又好緊張，生仔驚佢學壞，生女又驚佢畀人呃，社會又變晒，學壞易學好難，況且我阿哥同細佬都結咗婚生埋仔，唔使我繼後香燈。」
黎諾懿認為養貓狗責任重大，故有做父親的感覺。
  • 黎諾懿認為養貓狗責任重大，故有做父親的感覺。