入行已三年的陳柏宇（Jason），每年均遇到好歌，令他連續幾年在頒獎禮也有斬獲，實力備受肯定。今年他在公開場合獻唱《你瞞我瞞》時被指唱到「動L」，該片段更在網上火速傳播，成為網民熱話！Jason雖否認「動L」，但他直言此事令他賺了人氣、話題及歌曲播放率，他笑說：「其實件事冇咩負面影響，反而啲人笑完之後，會認真去聽呢首歌，咁樣係賺咗！（怕成為笑話？）唔介意成為終身笑話，大把朋友都攞件事笑我啦！」

陳柏宇因「動L」事件人氣急升，但他笑言並不介意。	陳柏宇強調與緋聞女友裕美只是好友。 資料圖片	Jason最近力谷新歌《拍一半拖》，望頒獎禮有更好成績。

買遊戲機獎勵自己

談到會否對年底樂壇頒獎禮信心大增？他說：「冇刻意去諗，攞到梗係好，但我係一個怕失望嘅人，唔敢特別期望過高，我仲未好習慣留意成績，反而留意唱腔多啲。」至於入行三年有何轉變？Jason說：「要求多咗同高咗，開始喺音樂上發表自己意見。」

今年成績不俗，問到如何獎勵自己？他說：「買電腦、買電視同遊戲機，今年係賺多咗，但又未致於發大達，總之足夠自己生活就得，我嘅目標係買樓同買車。」Jason的緋聞不算多，傳得最盛的只有裕美，他說：「講嚟講去都係佢，我同佢係朋友，依家冇拍拖。（拍拖公開？）唔會一拍拖就公開，要穩定啲先得。」