向來不諳中文的薛凱琪，前晚亮相《勁歌金曲》時跟司儀Chit Chat，本欲說「易如反掌」，卻講成「如易反掌」，連台下的歌迷都偷笑，事後她說：「我已經好大進步喇！因為緊張至講錯。」Fiona表示以前睇歌詞，有九成要翻譯成英文，但現在只需翻譯三成，就連甚富詩意的新歌《慕容雪》，她都明瞭箇中意境，Fiona說：「因為我有學中文，而且因為拍劇接觸多咗有進步，就連普通話都好咗，不過喺橫店拍完劇返嚟，啲廣東話變差咗。」

Fiona偕周柏豪（右）及周子揚到中文大學做騷，熱得汗流浹背。

羽翹借新歌「唱衰」花心男友，格外肉緊。

羽翹唱衰舊愛

自覺中文有進步的Fiona，昨日與師弟周柏豪及周子揚到中文大學出席《戀愛嘉年華音樂會》時，再次老貓燒鬚，她在二十多度氣溫下，雖然穿上小背心，但卻戴了冷帽及頸巾配長靴，打扮騎呢的她在台上又唱又跳，可能因太熱影響演出，結果唱錯歌詞，她一度在台上傻笑，事後即向台下大學生道歉，而學生則大叫「唔緊要」以示支持。

此外，羽翹前晚在《勁歌》中獻唱親自填詞的新歌《吸血新世紀》，她透露以吸血鬼形容花心男友，亦是她的親身經歷。