27/11/2009

播放本新聞相關短片

岑潔儀聖誕送自己畀陶喆

最近因與陶喆傳緋聞而人氣急升的岑潔儀，前晚出席派對時表示雙方有聯絡，更直指對方是自己喜歡的類型：「我好欣賞佢！（主動？）女仔應該有矜持！不過如果Feel到佢鍾意我，我都會暗示！（聖誕節暗示囉？）哈！我嚟緊會去台灣！佢忙演唱會，相信約唔到出嚟！（送個心畀佢？）我都想，不過唔知人哋要唔要！（自製禮物？）或者送自己囉！」

岑潔儀坦言因人氣急升，所以最近「買多咗衫」，記者指她很搏殺？她說：「有身材唔怕騷，唔係全裸就OK，我嘅底線係着比堅尼！希望依家自己仲有噱頭，可以高價啲！」