加盟英皇後，基仔的頭炮專輯《you talkin' to me？》銷量闖破白金，勢如破竹！唱片公司前晚豪擲5位數字，筵開10席為他舉行祝捷會，「吸金」有功的基仔獲高層吳雨與英皇唱片及藝人管理部總監霍汶希（Mani）送贈一座「運財童子」，祝願他財源滾滾，來年為公司繼續搵銀。基仔看見「童子」即「古Sir」上身搞氣氛說：「仲有第三個寓意，就係我都係『童子』，講係咁講啫！」引來全場起哄，場面搞笑。

基仔即席邀拍MV，嚇得Mani急急婉拒！	基仔把玩公仔，明顯童心未泯！	基仔與吳雨碰杯，慶祝新碟大賣！

樂做Fans一哥

問到舉行盛大祝捷會，是否令「一哥」地位更鞏固？基仔即謙虛地說：「唔好講一哥唔一哥，畀心機做好藝人，係Fans心目中嘅一哥就夠。」新碟成績理想，問基仔對公司還有何要求？他竟將Mani擺上枱，並大叫：「我想Mani做我MV女主角！」更搞笑地表示要加入親熱鏡頭，嚇得在旁的Mani急急說：「嘩！玩到咁大！（你收好貴酬勞？）我驚我要倒貼，邊有人搵幾十歲嘅人拍MV？我可以扮佢阿媽喇！」另外，問到轉會後成績與收入是否暴漲？基仔說：「比較問題唔好答，收入同機會都多咗嘅！」