佘詩曼：「好難過，烈哥係敬業嘅藝人，佢都唔想我哋咁傷心。《天與地》嘅工作人員心情都好沉重，但總要向前行。（送最後一程？）會！有需要一定幫！」
邵美琪：「唔開心一定有，但都冇辦法，希望佢去咗第二度都開開心心。我依家拍緊《天與地》，都擔心會觸景傷情，但贊成唔好用其他人頂替烈哥嘅角色。」
陳豪：「烈哥係好好嘅前輩，走得好突然，好似有好多說話都未同佢講完，但已經冇機會講。（易角？）睇公司，但佢嘅戲份拍咗三成。」
王喜：「依家未知身後事喺台灣定香港舉行，如果喺台灣，我都會出席。如果有需要，會以藏傳佛教儀式幫手，烈哥個電話號碼我會保存住。」
