昨晚香港時裝設計師會舉辦《第21屆傑出衣着人士頒獎典禮》，十位得獎者包括蔡卓妍（阿Sa）、湯唯、徐濠縈、阮經天、林保怡、蘇永康、陳浥萍、王盛德、榮雪梅與李玟未婚夫Bruce Rockowitz均盛裝出席。阮經天以Dior Homme打扮到場，自言平日最愛在網上購物。問到最欣賞哪位得獎女星？他說：「我幾鍾意湯唯。（睇過《色，戒》？）有！佢好大膽，可以喺鏡頭前演出呢啲場面，好厲害！（你敢唔敢？）唔知遇唔遇到咁好嘅導演同好劇本。」

阿Sa以一身黑色打扮上陣，有型有款。	榮雪梅身穿白色透視晚裝出席，對得獎深表興奮。	陳嘉容（左起）與陳沛嘉性感上陣，搶去不少「峰」頭。

與阿Sa姍姍來遲的湯唯穿上由Bonita Cheung設計的晚裝，她表示最近忙於準備拍攝韓國片《晚秋》，已與導演及演員玄彬見面，大讚玄彬有性格。早前有指她正蜜運中，湯唯澄清仍然單身：「依家我同工作拍拖。（想唔想拍拖？）我諗每個女人最大願望係家庭。（有乜選偶條件？）我冇乜要求，要做到朋友同可以溝通，要對世界有好奇心，好似我咁。」提到阮經天欣賞她，湯唯說：「好多謝佢，佢着得好Casual，有Style又有型！」

蔡卓妍想出書教扮靚

阿Sa表示在網上買裙，只需35英鎊：「我買衫睇款唔睇牌子。」她表示首次奪獎是一個肯定：「我想出書教人扮靚着衫，今次件外套係我設計！」