自從賭王何鴻燊入院後，何家幾房人都風雨不改去醫院探病，幾位太太為咗愛郎而消瘦。其中，四太梁安琪消瘦得最犀利，小小So睇見都心痛。不過，早排喺富豪鄭裕彤個孫嘅婚禮上見到四太，小小So即刻問佢點解暴瘦得咁緊要？係咪擔心何生？點知四太即時眼厲厲，跟住就笑笑口話：「唔係，我係擔心選唔到議員啫！」小小So聽見佢咁講都即刻放心晒，仲反問佢依家已經選到仲使乜擔心？四太聽到就話：「所以最近我都肥番幾磅喇！其實我都唔係好瘦啫！」
原來女人唔單止驚畀人話肥咗，就連畀人話瘦咗都會好擔心，總之一句講晒，講佢哋外表唔同咗就係女人都驚，小小So就最明白，咁個個女人都想畀人讚靚，畀人話消瘦即係踩佢唔靚，又難怪四太咁鬼緊張囉！