再度冧莊成為百老滙代言人的容祖兒，日前飛往日本東京多個景點拍廣告，並為新歌《雙冠軍》MV取景，為隆重其事，廣告商派出三部攝影機作多角度拍攝，祖兒笑言十足拍音樂電影，她說：「今次拍攝手法好似電影，配合埋咁多靚景，真係好似拍緊音樂電影呀！」

在寺廟拍攝時，祖兒依足傳統喝水祈福。	祖兒細看寺廟中的願望牌，甚感興趣。	雖然行程緊密，但祖兒仍抽空品嘗日本美食。

其中一幕講述祖兒搭火車，當火車埋站時，眾人把握時間捕捉她踏入車廂的一刻，當響起「叮叮」關門訊號時，容媽媽與多位工作人員仍站在月台上，祖兒擔心媽咪「流落異鄉」，急忙大叫：「媽咪快啲上車！」嚇得眾人急急跑入車廂，事後祖兒笑說：「好彩趕得切上車，如果唔係都唔知點算，因為火車一開就去到尾站先返轉頭，真係好險！」

捱眼瞓都抵

由於行程緊密，搭凌晨機的祖兒甫抵埗即投入拍攝工作，攰到閉上雙眼，但埋位後，她即火速變得精神奕奕，獲導演大讚專業，祖兒說：「因為要喺3日內去晒咁多地方，我做好心理準備會好趕同冇乜時間休息，不過唔緊要啦！拍得咁靚，幾辛苦都值得。」