法拉踢爆陳豪買女裝衫

陳豪及陳法拉昨日出席活動，陳豪在台上自爆會送手袋給女友，但其後又反口，問到有否送過手袋給廖碧兒？他說：「試過送咖啡。（親自煮？）都試過！（揀個手袋送畀佢？）唔知佢鍾意大定細。」其後陳法拉踢爆陳豪曾靜靜雞買女裝衫：「佢喺新西蘭有陪我揀鞋！佢會畀意見。（買女仔衫？）好似有，我見到佢買嗰啲唔係男裝衫！死喇！我係咪爆咗人嘢？」