八模兵團之一嘅陳嘉寶（Anjaylia）形象健康，小小So知道有唔少廣告商都鍾意佢，好想同佢合作，不過Anjaylia竟然有錢唔搵，頻頻推Job喎！點解咁大膽？唔通佢又學Kama（羅凱珊）咁，想搭上富家子唔憂做？小小So之前見到Anjaylia，佢話依家升上大學四個月，好多課題都幾難，為咗趕上進度惟有推Job，絕對唔想為一時嘅名利而錯失機會。提起大學生活，Anjaylia同小小So滔滔不絕。
Anjaylia：我嘅大學蜜月期已經過晒喇！呢排功課超級忙，開咗幾晚夜車，搞到黑眼圈出晒嚟！
小小So：仲以為你好似其他o靚模咁掛住拍拖添！
Anjaylia：唔會呀！返學已經霸晒我啲時間，諗都冇諗過拍拖！
小小So：咁你喺學校冇人追咩？
Anjaylia：我Feel唔到有人追，唔信你可以問吓學校啲同學！
小小So點都唔信呢位學界女神冇人追，只係佢乖乖女暫時唔拍拖啫！照咁睇嚟，呢位o靚模大學生又真係幾識諗喎！